Մոտ 6 հազար ներգաղթյալներ ժամանակավորապես տեղավորվել են Հունաստանի Պիրեյ նավահանգստում՝ գերբեռնելով տրանսպորտային հանգույցի տերմինալները: Այս մասին հայտնում է Daily Mail-ը:
Նշվում է, որ մարդիկ գիշերում են հատակին ծածկոցներով՝ հենց սպասասրահում: Հարյուրից ավելի մարդ գիշերն անցկացրել է փողոցում՝ վրանների մեջ կամ բաց երկնքի տակ:
Հունաստանի իշխանությունները վերջին օրերին գրանցել են 766 նոր փախստականների: Դրանից մեկ օր առաջ ժամանել էր ևս 192 մարդ:
Նրանք ժամանում են երկրի ամենամեծ՝ Պիրեյ նավահանգիստ, որը հեռու չէ Աթենքից: Փախստականների մեծ մասը ժամանում է լաստանավով՝ Լեսբոս կղզուց:
