Հայաստանի ազգային հավաքականի ու Դորտմունդի «Բորուսիա»-ի կիսապաշտպան Հենրիխ Մխիթարյանը հաջորդ մրցաշրջանը կարող է անցկացնել Անգլիայի Պրեմյեր լիգայում:
Լոնդոնի «Արսենալ»-ի դիտորդներն ակտիվ կերպով հետևում են Դորտմունդի «Բորուսիա»-ի տնային խաղերին՝ ուշադրության կենտրոնում պահելով Հենրիխ Մխիթարյանին՝ գրում է «The Guardian»-ը:
Աղբյուրը շեշտում է, որ լոնդոնյան ակումբը, Մխիթարյանի տրանսֆերային իրավունքները ձեռք բերելով, պատրաստվում է ուժեղացնել թիմի կազմը, որն ամռանը լքելու են Արտետան, Ֆլամինին ու Ռոսիցկին:
Հայտնի է, որ Մխիթարյանի ծառայություններով հետաքրքրված են նաև ֆրանսիական «Պարի Սեն Ժերմեն»-ն ու Թուրինի «Յուվենթուս»-ը:
Գերմանիայի Բունդեսլիգայի ընթացիկ խաղարկության 26 խաղում 27-ամյա հայ կիսապաշտպանը դարձել է 10 գոլի ու 12 գոլային փոխանցման հեղինակ:
