Իտալիայի հավաքականի գլխավոր մարզիչ Անտոնիո Կոնտեն հաստատել է, որ «Եվրո-2016»-ի ավարտից հետո կհեռանա ազգային թիմի գլխավոր մարզչի պաշտոնից: Խոսելով ապագայի մասին, մասնագետը չի բացառել, որ կարող է դարձյալ աշխատել Ա Սերիայում: Սակայն նրա ծառայություններով հանգամանորեն հետաքրքրված է Լոնդոնի «Չելսի»-ն:
Football Italia-ի տեղեկությունների համաձայն` «արիստոկրատներ»-ի ղեկավարության և Կոնտեի միջև որոշ տարաձայնություններ են ծագել: Իտալացին ցանկանում է լոնդոնյան ակումբի կազմում տեսնել իր թիմի 5 ֆուտբոիստների, ինչին «Չելսի»-ի ղեկավարները համաձայն չեն:
Այդ հանգամանքից կարող է օգտվել «Միլան»-ը, որը գլխավոր մարզիչ է փնտրում թիմի համար: «Ռոսսոներիներ»-ը կարծում են, որ Կոնտեն հենց այն մասնագետն է, ով կարող է օգնել թիմին հաղթահարել ճգնաժամը:
