Հոլանդական հեռուստատեսային ամենշաբաթյա շոուն ցուցադրել է բրիտանացի զինվորական Լի Ռիգբիի սպանության նմանակումը, որը Եվրոպային շոկի մեջ էր գցել անցած շաբաթ՝ գրում է lifenews.ru-ն:
Հեղինակների մտահղացման համաձայն՝ երկու դերասաններ մարմնավորել են հանցագործներ Մայքլ Ադեբոլաջոյին ու Մայքլ Ադեբովալեին՝ վերջերս Շվեդիայում կայացած «Եվրատեսիլ» մրցույթի մասնակիցների դերում:
Ծրագրի հաղորդավար Փոլ դե Լիուն տղամարդկանց խնդրել է տեսախցիկի ուղղությամբ թափահարել ձեռքերը: Ավանդական ազգային դրոշների փոխարեն՝ «մրցույթի մասնակիցները» սկսել էին թափահարել կարմիր ներկված դանակները ու թրերը:
Սրահում գտնվող մարդիկ, ինչպես նաև բազմահազար հեռուստադիտողները բացասաբար էին արձագանքել ներկայացմանը: «Երբ ինչ-որ մեկին սրով սպանում են, դա ծիծաղելի չէ»,- սոցցանցում գրել է օգտատերերից մեկը:
Բրիտանացի զինվորական Լի Ռիգբին սպանվել է երկու նիգերիացիների կողմից՝ մայիսի 22-ին: Իսլամի արմատական հետևորդները նրա վրա էին հարձակվել Լոնդոնի փողոցներից մեկում՝ անցորդների աչքի առջև:
Հայտնի չէ՝ արդյոք ինչ-որ պատժամիջոց նախատեսվո՞ւմ է հաղորդավոր Փոլ դե Լիուի նկատմամբ: Շոումենը հայտնի է նրանով, որ ուղիղ եթերում հանդիսականներից մեկի կրծքից կաթ էր խմել:
