Ռուսաստանյան գործակալություններն այսօր քննարկում են այն հարցը, թե արդյո՞ք ՌԴ-ում նոր պաշտոնանկություն է սպասվում, թե՞ հնարավոր կլինի դրանից խուսափել: Խոսքը նախագահ Դմիտրի Մեդվեդևի և Դաշնային խորհրդի նախագահ Սերգեյ Միրոնովի միջև առկա լարվածությանն է վերաբերում, որի արդյունքում լուրեր են տարածվել, թե Ս.Միրոնովը կարող է լքել իր պաշտոնը: Մասնավորապես, «Эхо Москвы»-ի հաղորդմամբ, Ս.Միրոնովը պատրաստ է իր պաշտոնանկությանը, քանի որ ընդունում է, որ բավականին կոշտ դիրքորոշում ունի կոնկրետ հարցում, այն է ` սենատորների լիազորություններին վերաբերող նոր օրինագծի առնչությամբ, որն, ի դեպ, այսօր ընդամենը մեկ «դեմ»-ով ընդունվեց Դաշնային խորհրդում: Ս.Միրոնովը լրագրողներին ասել է, որ համակարծիք չէ նախագահի հետ ու այդ մասին ասել է նաեւ Դ.Մեդվեդևին, այնպես որ իրեն պաշտոնանկ անելու մասին լուրերին բավականին հանգիստ է վերաբերվում: