Apple Watch խելացի ժամացույցներին «կսովորեցնեն» իրենց տիրոջ համար ինքնուրույն շտապ օգնություն կանչել սրտի կաթվածի կամ այլ վտանգավոր իրադրություններում, հայտնում է hronika.info-ն:
Վերջերս Apple ընկերությունը հայտ է ներկայացրել խելացի ժամացույցների իր նոր տեխնոլոգիան արտոնագրելու համար, որը ինքնուրույն կհետևի տիրոջ առողջական վիճակին, ստացված տվյալների արդյունքներով կպարզի մարդու համար վտանգավոր իրադրությունները և անհրաժեշտության դեպքում հատուկ հաղորդագրություն կուղարկի բարեկամներին կամ փրկարար ծառայությանը:
Դրա համար Apple Watch-ը կօգտագործի հատուկ տվիչներ, որոնք թույլ կտան գնահատել տիրոջ օրգանիզմի վիճակը:
