Ռուսական RIA Novosti լրատվական գործակալության փոխանցմամբ՝ Թուրքիան Հունաստանից ընդունել է մոտ 300 ապօրինի ներգաղթյալի, որոնք այնտեղ են հայտնվել թուրքական տարածքով։ Դա իրականացվել է հետընդունման մասին համաձայնագրի իրագործման մասին պայմանավորվածությունների շրջանակում։ Այդ մասին հայտարարել է ԵՄ Խորհրդում նախագահող Նիդեռլանդների պաշտպանության նախարար Ժանին Հենիս-Պլասշերտը։
Նա ընդգծել է, որ Թուրքիայից ակնկալվում է բոլոր ապօրինի ներգաղթյալների հետընդունում, որոնք չունեն միջազգային պաշտպանության կարիք ու Եվրոպա են ժամանել Թուրքիայից։
Պլասշետը հավելել է, որ ԵՄ-ն ու Թուրքիան պայմանավորվել են արագացնել այդ պարտավորությունների իրագործումը, և այժմ իրենք տեսնում են առաջին արդյունքը՝ հանձինս ավելի քան 300 ներգաղթյալի Թուրքիա հետ վերադարձնելուն։
