Աֆղանստանում ռազմական օպերացիաներին մասնակցած բրիտանացի զինծառայող Կրեյգ Հարիսոնին 151 հազար դոլարի փոխհատուցում է տրվել: Բանն այն է, որ նրա անունը պատահաբար հայտնվել է ԶԼՄ-ներում: Այս մասին հայտնում է ITAR-TASS-ը:
Աֆղանստանում Հարիսոնը ծառայել է որպես դիպուկահար: Նրա «մարտական հաշվին» առնվազն 14 ոչնչացված աֆղան գրոհային կա: Այդ մասին նա պատմել է լրագրողներին Աֆղանստանից վերադառնալուց հետո: Հարիսոնը համաձայնել է հարցազրույց տալ՝ լինելով միանգամայն վստահ, որ պաշտպանական գերատեսչությունը, համաձայն իր իսկ կողմից հաստատած խիստ կանոնների, անվան գաղտնիությունը կպահպանի: Սակայն անուշադրության հետևանքով նրա անունը հայտնի է դարձել լայն զանգվածներին:
Նրա կյանքը վտանգի տակ էր հայտնվել: Նա ստիպված է եղել կնոջ ու դստեր հետ լքել հայրենիքը: Կինը լքել է աշխատանքը, իսկ դուստրն ավարտական քննություններից առաջ հեռացել է դպրոցից: Կատարվում է գործի հետաքննություն:
