Բելգիայում ԵՄ դիվանագիտության ղեկավար Քեթրին Էշթոնի հանդիպումը Սերբիայի ու Կոսովոյի վարչապետների հետ՝ նվիրված բրյուսելյան համաձայնագրի իրագործմանը, ավարտվել է առանց ակնհայտ արդյունքի: Այս մասին հայտնում է ITAR-TASS-ը:
Կառավարությունների ղեկավարներ Իվիցա Դաչիչն ու Հաշիմ Տաչին զերծ են մնացել բանակցությունների արդյունքներով որևէ մեկնաբանությունից, իսկ Էշթոնը լրագրողներին հայտնել է, որ բանակցությունները կվերսկսվեն չորեքշաբթի առավոտյան:
«Վստահ եմ երկխոսության հանդեպ վարչապետերի հակվածությանը և նախկինում ձեռք բերված համաձայնագրերի կյանքի կոչման նրանց անկեղծ ջանքերին: Չորեքշաբթի մենք կրկին կհանդիպենք»,- ասել Էշթոնը՝ հրաժարվելով պատասխանել որևէ այլ հարցի:
Բելգրադի և Պրիշտինայի միջև հարաբերությունների նորմալացման մասին փաստաթուղթը (Բրյուսելյան համաձայնագիր) մինչ օրս ուժի մեջ չի մտել: Այն կազմված է 15 կետից, որոնք հիմնականում նվիրված են Կոսովոյի հյուսիսում սերբական բնակավայրերի լիազորություններին:
