Բենղազիի ահաբեկչությունից հետ ԱՄՆ Պետդեպարտամենտը ընդունել է անկախ հանձնաժողովի՝ դիվանագիտական առաքելության անվտանգությունն ապահովելու հանձնարարականները: Այս մասին հաղորդում է Ria Novosti-ն` վկայակոչելով ԱՄՆ արտաքին գործերի նախարարությանը:
29 հանձնարարականներից 5-ը գաղտնի են, իսկ մյուս 24-ի վերաբերյալ Պետդեպարտամենտը մանրամասն հաշվետվություն է հրապարակել: Գերատեսչությունը մի քանի փորձագիտական խմբեր է ստեղծել, ովքեր կվերլուծեն արտասահմանում դիվանագիտական ներկայության ռիսկերը, անվտանգության ոլորտում կվերահսկեն ընդունված միջոցառումները:
Պետդեպարտամենտը նաև հատուկ 6 հոգուց բաղկացած հանձնաժողով է ստեղծել, ովքեր կքննեն այլ պետությունների և գերատեսչությունների՝ այս ոլորտում կիրառած ամենից արդյունավետ միջոցները:
Բացի այդ, կֆինանսավորվեն դեսպանատների անվտանգության ծրագրերը: Այս կապակցությամբ կստեղծվի 151 նոր աշխատատեղ: Աշխատակիցներին նաև արաբերեն կսովորեցնեն:
Դեսպանատները կունենան հակահրդեհային, անհատական պաշտպանության միջոցներ և նոր տեսախցիկներ:
