Ոստիկանությունը շրջափակել է մոսկովյան «Օկտյաբրսկոյե պոլե» մետրոյի կայարանը, որտեղ երեխայի արյունոտ գլուխը ձեռքին մի մարդ սկսել է բղավել «Ալլահ Աքբար»: Այս մասին փետրվարի 29-ին հայտնում է rbc.ru-ն:
Մարդն ամբողջովին սև է հագնված: Դեպքի վայրում աշխատում են բժիշկներ և Հետաքննչական կոմիտեի աշխատակիցներ:
«Օկտյաբրսկոյե պոլեի» շրջանում երեխայի սպանության կասկածանքով ձերբակալվել է դայակը, հայտնել է Մոսկվայի հարցերով հետաքննչական կոմիտեի գլխավոր հետաքննչական վարչության պաշտոնական ներկայացուցիչ Յուլյա Իվանովան «Մոսկվա» գործակալությանը: Առայժմ չի նշվում՝ արդյոք դա կապվա՞ծ է մետրոյի մոտ տեղի ունեցածի հետ:
Կտրված գլխով երեխայի մարմինը հայտնաբերվել է Ազգային Աշխարհազորայինների փողոցում գտնվող բնակարանում հրդեհի մարման ժամանակ:
