Հարավկորեացի երգիչ ու երգերի հեղինակ PSY-ն առաջին կորեացին է, ով ստացել է Billboard Music Awards-2013 մրցանակը Best Streaming Song անվանակարգում, հաղորդում է «Ռենհապ» գործակալությունը՝ հղում կատարելով մրցանակի կայքին:
Հարավկորեացի ռեփերն այդ մրցանակը ստացել է Gangnam Style հիթի համար՝ առաջ անցնելով Թեյլոր Սվիվթից ու Կառլի Ռեյ Ջեփսոնից:
PSY-ն առաջին կորեացին է, ով ստանում է Billboard Music Awards մրցանակը:
Մրցանակաբաշխության արարողությունը տեղի է ունեցել կիրակի՝ Լոս Անջելեսի MGM համալիրում ու հեռարձակվել է ամբողջ ԱՄՆ-ում:
Best Streaming Song մրցանակը շնորհվում է այն տեսահոլովակներին, որոնք ստացել են առավելագույնս դիտում համացանցում:
Gangnam Style հիթը Youtube-ում դիտվել է ավելի քան 1,6 մլրդ անգամ:
