Մադրիդի «Ատլետիկո»-ին սեփական հարկի տակ նվազագույն հաշվով պարտվելուց հետո Կրիշտիանու Ռոնալդուն «կուլիսների ետևում» դժգոհություն է հայտնել խաղընկերների վերաբերյալ՝ գրում է «ManagingMadrid»-ը:
«Ամեն տարի ես, մամուլի պնդմամբ, այսպիսին եմ, բայց իմ գոլերն ու վիճակագրությունն այլ բան են ասում:
Ես չեմ ուզում նսեմացնել իմ թիմի ֆուտբոլիստներին, սակայն դժվար է հաղթանակի հասնել, երբ լավագույնները չեն քո թիմում:
Ինձ դուր է գալիս խաղալ Բեյլի, Բենզեմայի, Մարսելոյի ու Պեպեի հետ միասին… Չեմ ասում, թե Խեսեն, Կովաչիչը կամ Լուկասը վատ ֆուտբոլիստներ են, ո´չ, նրանք լավն են, բայց…»,- կայքը փոխանցում է Ռոնալդուի խոսքը:
Կրիշտիանուն նաև նշել է, որ «Ռեալ»-ն էր այս խաղում արժանի հաղթանակին, քանի որ ավելի շատ գոլային պահեր ստեղծեց:
Եթե աղբյուրը ճշգրիտ մեջբերում է Կրիշտիանուի խոսքը, ապա այն, որ «արքայական» ակումբում սկանդալ է հասունանում, և այս խոսքերն աննկատ չեն մնալու թիմակիցների կողմից, դժվար է չնկատել:
Նշենք, որ այս պարտությունից հետո «Բեռնաբեու»-ում երկրպագուները պահանջել են Ֆլորենտինո Պերեսի հրաժարականը:
