Եվրոպայի խորհրդի պետությունների կոռուպցիայի դեմ պայքարի խումբը հրապարակել է զեկույց, որում ներկայացրել է նաև Հայաստանում կոռուպցիայի վիճակը: Նշված է, որ կոռուպցիան շարունակում է կարևորագույն խնդիր մնալ հասարակության համար՝ չնայած դրա դեմ պայքարը երկար տարիներ քաղաքական օրակարգում է եղել: Զեկույցում առաջարկ է արվում ստեղծել պատգամավորների վարքագծային կանոնների օրենսգիրք:
«Ազատ դեմոկրատներ» կուսակցության նախագահ, ԱԺ պատգամավոր Խաչատուր Քոքոբելյանը, «Առաջին լրատվական»-ի հետ զրույցում անդրադառնալով զեկույցին, նշեց, որ Հայաստանի զարգացման թիվ մեկ խոչընդոտը համարում է կոռուպցիան:
«Ինձ զարմացնում է, որ համարվում է, որ կոռուպցիան քաղաքական օրակարգի խնդիր է, որովհետև քաղաքական օրակարգի խնդիր լինելը միայն հանձնաժողովներ, նույնիսկ օրենսգրքեր ստեղծելը չէ, այլ համակարգված դրա դեմ պայքարի անհրաժեշտությունից ելնելով՝ շատ ծրագրային պետք է դա տեսանելի լինի: Մինչև այս պահը հասարակության համար՝ այդ թվում նաև կոռումպացված չինովնիկների համար, իմ խորին համոզմամբ, չկա այդ իրողությունը, որ զգան կոռուպցիայի դեմ պայքարը, կոռումպացված չինովնիկները զգան, որ իրենց դեմ պայքար է իրացվում»,- նշեց Խ. Քոքոբելյանը:
Ըստ նրա՝ կոռուպցիոն ռիսկերը վերացնելու համար պետք է սթափ օրենքներ լիենեն, որոնք ուղղակի կնվազեցնեն կոռուպցիայի հնարավորությունը:
Մանրամասները՝ տեսանյութում:
