Անտոնիո Բանդերասը «33» ֆիլմում կմարմնավորի գլխավոր դերակատարներից մեկին՝ հաղորդում է Variety-ն:
Ապագա ֆիլմի հիմքում իրական իրադարձություններ են: Խոսքը 33 չիլիացի հանքափորների մասին է, որոնք 2010թ. օգոստոսին արգելափակվել էին Սան Խոսեի հանքահորում: Նրանց հետ երկուսուկես շաբաթ ոչ մի կապ չէր հաջողվել հաստատել: Ավելի ուշ փրկարարական աշխատանքների արդյունքում, որոնք շարունակվել են մինչև հոկտեմբեր, բոլոր հանքափորներին փրկել են:
Բանդերասը կմարմնավորի հանքափորներից մեկին՝ Մարիո Սեպուլվեդին՝ Սուպեր Մարիո մականունով:
Բացի այդ՝ «33»-ում կնկարահանվեն Մարտին Շինն ու Ռոդրիգո Սանտորոն:
«33» ֆիլմի շնորհանդեսը տեղի է ունեցել 2012թ.: Սեպտեմբերին հայտարարվել էր, որ ռեժիսոր է նշանակվել մեքսիկացի կինեմատոգրաֆիստ Պատրիսիա Ռիգեն:
Բանդերասի մասնակցությամբ վերջին ավարտված ֆիլմը Պեդրո Ալմոդովարի «Սիրահարված ուղևորները» (իսկական անվանումը՝ Los amantes pasajeros) կատակերգությունն է:
