The Rolling Stone պարբերականին տված հարցազրույցում Էլթոն Ջոնն իր կարծիքն է հայտնել Ջանեթ Ջեքսոնի ելույթի մասին, հայտնում է segodnya.ua-ն:
Բրիտանացի երգիչը նշել է, որ ֆոնոգրամայով ելույթն ինքը չի համարում ուշադրության արժանի: «Դուք գիտեք, երաժշտության մասին պարբերականներում գրում են, որ Ջանեթ Ջեքսոնի շոուն արժե ընդամենը 4 կամ 5 աստղ: Ախր նա երգում է ֆոնոգրամայով: Ողջույն: Դա շոու չէ։ Ես ավելի լավ է լսեմ Դրեգ-քվին, քան Ջեքսոնի ելույթը»:
Նշենք, որ Էլթոն Ջոնը երբեք չի թաքցնում իր վրդովմունքը ֆոնոգրամա օգտագործող երգիչների նկատմամբ: Նման մեղադրանքներ 2 տարի առաջ հասել է Մադոննային: Պետք է ասել, որ նախկինում Էլթոն Ջոնը և Ջանեթ Ջեքսոնը հաջողությամբ համագործակցել են: 1999 թվականին նրանք թողարկել են «I Know the Truth» սինգլը:
