ԱՄՆ-ում մեծ արձագանք է ստացել Հոֆստրայի համալսարանի 21-ամյա ուսանողու մահը, որը պատահաբար սպանվել է իրավապահների կողմից՝ հանցագործին վնասազերծելու ժամանակ:
Աղջկան պատանդ էր վերցրել զինված կողոպտիչը, որը ներխուժել էր նրա բնակարան: Կատարվածի հետևանքով երկուսն էլ սպանվել էին ոստիկանների կողմից:
Ոստիկանների սարսափելի սխալի զոհը Անդրեա Ռեբելոն էր՝ Նյու Յորք նահանգից՝ գրում է The New York Daily News-ը:
Մեծ արագությամբ դեպքի վայր էին ժամանել Նասաու շրջանի ոստիկանները, ու կողոպտիչը չէր հասցրել հեռանալ: Տեսնելով իրավապահներին՝ չարագործը՝ 30-ամյա Դալթոն Սմիթը, պատանդ էր վերցրել աղջկան՝ որպես վահան օգտագործելով նրան:
Ընդ որում՝ նա ատրճանակը պահել է աղջկա գլխին ու ասել, որ կսպանի նրան: Ոստիկանը որոշում էր կայացրել կրակ բացել Սմիթի վրա, որն էլ ճակատագրական էր եղել Անդրեայի համար:
Ոստիկանը 7 կրակոցով սպանել էր հանցագործին, սակայն 8-րդը դիպել էր աղջկա գլխին, ում ստացած վնասվածքը եղել էր մահացու՝ հաղորդում է The Daily Mail-ը:
