Համաձայն տարածված արտահայտության՝ տարիքը ընդամենը թիվ է, իսկ մարդն այնքան տարեկան է, որքան իրեն զգում է:
Դատելով դրանից՝ որոշ հայտնի անձինք որոշել են խոսքերն իրականության վերածել՝ իրենց տարիքը մի քանի տարով նվազեցնելով, որպեսզի կարողանան մասնակցել այս կամ այն քասթինգներին կամ այլ նպատակներով՝ գրում է raut.ru-ն:
Ահա այն հայտնի անձինք, ովքեր չեն ցանկանում ընդունել դառը ճշմարտությունը: «Բևերլի Հիլզ-90210» սերիալի աստղ Գաբրիել Կարտերիսը պարզվում է՝ բոլոր «աղջնակներից» ամենամեծն է: Սերիալի սկզբում նա 29 տարեկան էր, իսկ մարմնավորած հերոսուհին՝ 16:
Սանդրա Բալոկը՝ հակառակը, ֆիլմում նկարահանվելու համար մեծացրել է իր տարիքը: 1992թ. նա իրեն մի քանի տարով «մեծացրել է» «Սիրային ըմպելիք թիվ 9» ֆիլմի լսումներին մասնակցելու նպատակով:
Դա առաջին ու վերջին անգամ էր, երբ դերասանուհին ստել է իր տարիքի հարցում:
Ռեփեր Էմինեմն էլ ինչ-որ անհասկանալի պատճառներից դրդված 1999թ. հարցազրույցում ասել էր, որ ինքը 24 տարեկան է, այնինչ 26 էր: Ներկայում Էմինեմն արդեն 40 տարեկան է:
Ջենիֆեր Լոպեսին ոչ ոք չի համարի 43 տարեկան, սակայն նա իր ծննդյան տարեթիվը փոխել է 1 տարով (1969-ից դարձրել է 1970): Սա դեռ ամենը չէ՝ նրա նոր սիրեկանը իրենից փոքր է 18 տարով:
