ՀԱԿ խմբակցության քարտուղար Արամ Մանուկյանն այսօր ԱԺ լիագումար նիստում նշեց, որ անկախ ամեն ինչից, եթե Արման Թաթոյանն ընտրվի, զանգելու է նրան, համագործակցելու է՝ անկախ այն վերաբերմունքից, որ ՀԱԿ-ն արտահայտել է. «Սակայն մենք ձեզ ընկալում ենք որպես Սերժ Սարգսյանի կադր, ու այն ազատությունները, որ ունեիք, հիմա չեք ունենա: Լավ կրթությունն ի չիք են դառնում, քանի որ մտել եք մի դաշտ, որտեղ Մարտի 1-ը ամենալուրջ մարտահրավերն է: Մեր երկրում կա մի խութ, խայտառակություն, որը մնալու է այնքան, մինչև բացահայտվի Մարտի 1-ը: Ձեր բոլոր դրական հատկանիշները չեն կարող լինել այդպիսին, եթե այդ փորձաքննությունը չհաղթահարեք: Մեր տառապանքը փորձ ունի՝ տարիներ շարունակ այդ ամբիոնից մեզ սուտ են մատուցել. դատախազը տղամարդու խոստում տվեց ինձ, զոհերի ծնողներին, սակայն ոչինչ չարեց:
Հարցս շատ կոռեկտ է՝ դուք կամք կարո՞ղ եք դրսևորել ու այս գործն առաջ տանել: Դուք ի վիճակի՞ եք, ձեր կամային հատկությունները թույլ տալի՞ս են բացահայտել Մարտի 1-ն ու գնալ քաղաքական թիմի դեմ»:
Արման Թաթոյանը հայտարարեց, որ ինքը պատրաստ է Արամ Մանուկյանի հետ համագործակցել, բայց պրոֆեսիոնալ դաշտում. «Ընտրվելու դեպքում չեմ տալու այնպիսի խոստումներ, որոնք չեմ կատարելու իրավական տեսանկյունից»,- վստահեցրեց Արման Թաթոյանը:
Մանրամասները՝ տեսանյութում:
