Թղթախաղ, նարդի. ահա այն ամենը, ինչ հարկավոր է հարկադիր անգործության դատապարտված գյուղացուն ժամանակը սպանելու համար, որոնք աշխատունակ են, ուզում են աշխատել, բայց …
Ոսկեվազցիները բախտը թզբեհով են գցում՝ խեր, շառ, Աստված. կապ չունի, որի վրա կանգ կառնի, միևնույն է՝ այս մարդկանց կյանքում ոչինչ չի փոխվում:
Վատ են զգում, տան տղամարդ են՝ ի վերջո… Անկախ տարիքից՝ պատրաստ են կատարել ցանկացած ֆիզիկական աշխատանք։
Առժամանակ գոյատևելու համար ձեռք են մեկնել բանկերին, գումար վերցրել: Հիմա շատերի տներն ու ունեցվածքը տարբեր բանկերի սեփականությունն է:
Ծանր է կյանքը, աղքատ են, ուզում են ոտքի կանգնել, բայց բռնվելու տեղ չունեն:
Գյուղին մոտ միակ խոշոր գործատուն «Հայասի» կոնյակի գործարանն է: Շատերն այստեղ են տեղավորվել աշխատանքի, բայց հերիք չի՝ աշխատավարձը կոպեկներ են, դա էլ ուշացնում են ամիսներով:
Շուտով գյուղատնտեսական աշխատանքների մեկնարկն է: Հողում ներդրում անելու հնարավորություն չի մնացել: Ոսկեվազում ոռոգումն ավանդական գլխացավանք է։
Չնայած դժվարություններին՝ Ոսկեվազի այս լուսավոր բնակիչները լիահույս են: Սպասում են, հողը չեն թողնում: Հույս ունեն, որ լավ ժամանակները առջևում են:
