Իրանը մտադիր է 45 մլրդ դոլար անմիջական օտարերկրյա ներդրումներ ներգրավել երկրից պատժամիջոցների հանելուց հետո` ըստ Իրանի միջուկային ծրագրի շուրջ բանակցությունների: Այդ մասին հաղորդում է Associated Press-ը:
Իրանի ֆինանսների և էկոնոմիկայի նախարար Ալի Թայբենիան ասել է, որ նոր օրացույցային տարում, որն Իրանում սկսվում է մարտի 20-ից, երկիրը մտադիր է մոտ 15 մլրդ դոլար օտարերկրյա ներդրումներ ներգրավել:
Նա նաև նշել է, որ Իրանն իսկական «տնտեսական առաջընթաց» է նախատեսում պատժամիջոցների հանվելուց հետո: Բացի այդ, Իրանի իշխանությունները նախատեսում են նավթային շուկայում իրենց մասնաբաժնի վերադարձը:
