«Հայկական Ժամանակ»-ը գրում է, որ դաշնակցական պատգամավոր Արծվիկ Մինասյանի՝ նախարար նշանակվելուց հետո նրա փոխարեն որոշվել Է խորհրդարան բերել Աժ նախկին պատգամավոր Ռուզան Առաքելյանին։
ՀՅԴ համամասնական ցուցակի հաջորդ թեկնածուն, սակայն, 10-րդ հորիզոնականում գտնվող Կարեն Շախմուրադյանն Է, որը սպանված գործարար Ռաֆայել Շախմուրադյանի որդին Է և «Կարկոմավտո» ընկերության սեփականատերերից մեկը։Ռուզան Առաքելյանը 11-րդն է։
Թերթի տեղեկություններով՝ Կ.Շախմուրադյանը չի ցանկանում մանդատը զիջել որևԷ մեկին։ Դեռևս 2012թ. խորհրդարանական ընտրությունների ժամանակ, երբ համամասնական ցուցակներն Էին ձևավորում, մամուլում տեղեկություններ շրջանառվեցին, թե Շախմուրադյանը կլորիկ գումար Է տվել ՀՅԴ վերնախավին՝ անցողիկ հորիզոնականում հայտնվելու համար։ Սակայն ՀՅԴ-ն Աժ բերեց մեկ այլ գործարարի Միքայել Մանուկյանին։ Խոսվում էր, որ այդ պատճառով Շախմուրադյանի ու ՀՅԴ-ի միջև վիճաբանություն է եղել։ Եվ հիմա, երբ մանդատի հերթն իրեն է հասել, գործարարը չի ցանկանում հրաժարվել։
«Ի դեպ, Աժ ՀՅԴ խմբակցության ղեկավար Արմեն Ռուստամյանը երեկ լրագրողների հետ զրույցում հայտարարել է, թե կուսակցությունում Արծվիկ Մինասյանին փոխարինողի հարց չեն քննարկել։ Հարցին արդյոք Շիրակի մարզպետի վերաբերյալ ՀՅԴ-ում տարբե՞ր կարծիքներ կան, Ռուստամյանը պատասխանել է. «Այդպիսի բան գոյություն չունի, շատ հստակ է, ամեն ինչ պայմանավորված է, բոլոր հարցերի պատասխանը կիմանաք եկող շաբաթ»։ Նա նաև հայտարարել է, թե ՀՅԴ-ՀՀԿ բանակցությունների ընթացքում փոխնախարարների պաշտոնների վերաբերյալ քննարկամ չի գնում»,- գրում է թերթը։
