Եվրախորհրդի նախագահ Դոնալդ Տուսկը և հավանաբար ԵՄ երկրների մի շարք առաջնորդներ հինգշաբթի Թուրքիայի վարչապետ Ահմեթ Դավութօղլուի հետ կքննարկեն ԵՄ-Թուրքիա միգրացիոն ծրագրի իրագործումն ու Թուրքիայից ԵՄ ներգաղթյալների վերաբնակեցման հեռանկարները՝ լրագրողներին հայտնել է ԵՄ բարձրաստիճան ներկայացուցիչը։
Նրա խոսքով՝ Տուսկը հինգշաբթի ԵՄ գագաթնաժողովից առաջ կհանդիպի Դավութօղլուի հետ։
Նա նշել է, որ գագաթնաժողովին չի սպասվում միգրացիոն ճգնաժամի լուծմանն ուղղված որևէ նոր նախաձեռնության քննարկում։
«Սա նոր որոշումների ընդունման համար լավագույն պահը չէ։ Մենք կարծում ենք՝ որոշումները, որոնք պետք էին ճգնաժամի քննարկման համար, արդեն ընդունվել են։ Այժմ պետք է կետրոնանալ դրանց իրագործման վրա»,- ասել է անանուն ներկայացուցիչը։
