Պայքարը սիրիական Հալեպ նահանգում ներառում է ռիսկ վերածվելու ավելի լայն ռազմական բախման, գրում է The Washington Post-ը:
Բեյրութում թերթի բյուրոյի ղեկավար Լիզ Սլայը ներկայացնում է սիրիական ճգնաժամին արդեն մասնակցող կողմերի ցուցակը՝ ռուսական օդուժ, որը հարվածներ է հասցնում օդից, լիբանանյան և իրաքյան ջոկատներ, որոնք աշխատում են «գետնի վրա» իրանցի ռազմական խորհրդատուների ղեկավարության ներքո: Նրանք են՝ և՛ տարատեսակ սիրիացի ապստամբներ, որոնց աջակցում են ԱՄՆ-ն, Թուրքիան, Սաուդյան Արաբիան և Քաթարը, և՛ Մոսկվայի, և՛ Վաշինգտոնի հետ կապված քրդեր, նաև ԴԱԻՇ-ի գրոհայիններ:
Պարբերականի լրագրողը կասկածում է, որ մյունխենյան պայմանավորվածությունների պայմանները Սիրիայում կրակի դադարեցման մասին կիրագործվեն, ընդհակառակը՝ քաղաքացիական պատերազմը կաճի մինչև պատերազմի մասշտաբի, որում իրար դեմ կպայքարեն համաշխարհային առաջատար տերությունները:
Այդ պայքարի կենտրոնը դառնում է Հալեպը, և վտանգվում է ոչ միայն Սիրիայում պատերազմի ելքը, այլև աշխարհաքաղաքական հետևանքներն ամբողջ տարածաշրջանի համար, հավելում է հոդվածագիրը: Հալեպում սիրիական բանակի հաջող արշավը, ըստ նրա, Ռուսաստանի հաշվին կամրագրի Մերձավոր Արևելքում առաջատար տերության վարկանիշ, Իրանի ազդեցության տարածքը իրաքցի շիաների և լիբանանցի մարտական ջոկատների շնորհիվ ևս կընդլայնվի: Թուրքիայի համար գլխավոր խնդիր կդառնա թուրք-սիրիական սահմանին քրդերի հայտնվելը: