Apple կորպորացիայի ղեկավար Թիմ Կուկի հետ սրճելու համար անհայտ անձը վճարել է 610 հազար դոլար: Անսովոր լոտը վաճառվել է երեկ՝ ամերիկյան CharityBuzz ինտերնետ-աճուրդում: Այս մասին հայտնում է ITAR-TASS-ը:
Թիմ Կուկի հետ հանդիպումը, ով այդ պաշտոնում փոխարինում է Սթիվ Ջոբսին, տեղի կունենա Կալիֆոռնիա նահանգի Կուպերտինո քաղաքի Apple-ի կենտրոնակայանում:
Մեկ բաժակ սուրճի շուրջ զրույցը կտևի 30 րոպեից մինչև 1 ժամ:
Տրանսպորտային ծախսերը, ըստ աճուրդի պայմանների, պետք է հոգա հաղթողը:
Աճուրդին մասնակցելու հայտ էր ներկայացրել 86 մարդ, որոնց մեծ մասը ընկերության ներկայացուցիչներ են, սեփական բիզնես սկսել ցանկացողներ:
Ստացված միջոցները Կուկը մտադիր է փոխանցել Ջոն Քենեդու անվան իրավապաշտպան կենտրոնին:
