Ադրբեջանի Բարդա շրջանի բնակիչն ի նշան ճանապարհային ոստիկանության շորթումների դեմ բողոքի, ամբողջովին մերկացել է շրջանի ճանապարհային ոստիկանության շենքի առջև, հաղորդում է contact.az-ը:
Ակցիայի տեսանյութը հայտնվել է YouTube-ում:
Տեսանյութում երևում է թե ինչպես է տղամարդը, որի անունը չի հաղորդվում, մերկ նստած ճանապարհի մոտ: Նրա խոսքերով՝ ինքը նման հուսահատ քայլի դիմել է այն պատճառով, որ ոստիկանության աշխատակիցը ստիպել է իրեն 300 մանաթ տալ:
Մերկ մարդու շուրջ հավաքվում են մարդիկ և ոստիկաններ, որոնք կոչ են անում նրան հագնվել: Ոստիկաններից մեկը հարվածում է նրա դեմքին, սակայն դա չի օգնում: Երկար համոզելուց հետո նա հագնում է վարտիքը և հայտարարում, որ կշարունակի իր ակցիան:
