Արևմտյան դեղագործական ընկերությունները փորձարկումներ են ացկացրել նախկին Գերմանիայի Դեմոկրատական Հանրապետության կլինիկաներում։ Այս մասին հաղորդում է Spiegel ամսագիրը: Տվյալները թերթը ստացել է Գերմանիայի առողջապահության նախարարության փաստաթղթերից, որոնք նախկինում հայտնի չեն եղել, արխիվներից և դեղագործության ինստիտուտից:
Spiegel-ի տվյալներով` կոնցեռնների պատվերով կայացել են շուրջ 600 բժշկական փորձարկումներ՝ ավելի քան 50 կլինիկաներում: Դրանցում մասնակցել է ավելի քան 50 հազար մարդ, որոնց նկատմամբ թեստավորման շրջանակներում իրականացրել են քիմիաթերապիա և տվել են սրտամկանային հիվանդությունների նոր դեղամիջոցներ: Դրա հետ մեկտեղ հիվանդները չեն իմացել այն մասին, որ իրենց վրա փորձ են կատարում: Շատերին չեն բացատրել, թե ինչ ազդեցություն կարող են ունենալ այդ դեղամիջոցները:
Որոշ հետազոտություններ դադարեցվել են այն բանից հետո, երբ երկու հիվանդ մահացել են Trental դեղամիջոցի օգտագործումից հետո, որն արտադրել է Hoechst AG գերմանական քիմիական ընկերությունը, ևս երկու մարդ մահացել է Sandoz ընկերության կողմից արտադրվող ճնշումն իջեցնող Spirapril դեղամիջոցի պատճառով:
Boehringer-Mannheim ընկերությունը, որը ներկա պահին Roche շվեյցարական ընկերության մի մասն է, փորձարկում է անցկացրել վաղաժամկետ ծնված երեխաների վրա:
Դեղամիջոցներ արտադրողները կլինիկաներին վճարել են մինչև 800 հազար գերմանական մարկ՝ մեկ հետազոտության դիմաց:
Ընկերությունները նշել են, որ վերոնշյալ կիլինիկական թեստերն անցկացվել են ամրագրված կանոնների շրջանակներում:
