Նոր հետազոտությունը պարզել է, որ շները հակված են սննդամթերք գողանալ, երբ համոզված են, որ տերերը չեն տեսնում: Դա նշանակում է, որ նրանք կարող են հասկանալ մարդու տեսողության հնարավորությունը, հաղորդում է raut-ը:
Փորձագետները բացահայտել են, որ երբ տերը շանն ասում է «չվերցնե՛լ ուտելիքը», ապա շունը չի հետևում այդ հրամանին միայն մութ տարածության մեջ: Դա ապացուցում է, որ շները ուշադրություն են դարձնում այն փաստի վրա, որ մարդիկ վատ են տեսնում մթության մեջ:
Պորթսմութի համալսարանի գիտնականները վստահեցնում են, որ շները գիտակցում են, երբ մարդը չի կարող իրենց տեսնել: Նոր ուսումնասիրությունը ցույց է տալիս, որ այս կենդանիներն ունեն ճկուն խելք, թեև՝ ոչ կատարյալ: Ավելի վաղ համարվում էր, որ նման առանձնահատկությամբ օժտված են միայն մարդիկ:
Հետազոտությանը մասնակցել են 84 կին և տղամարդ, որոնց շները մեկ տարեկան և ավելի մեծ են եղել: Փորձն անցկացվել է տարբեր աստիճանի լուսավորված տարածքներում: Շները եղել են սոված, իսկ տերերն արգելել են վերցնել ուտելիքը: Մթության մեջ շները վստահ և ավելի մեծ արագությամբ են վերցրել ուտելիքը, քան լուսավոր տարածքում: Այսինքն, նրանք ընտրել են այն պահը, երբ տերը չի կարողացել տեսնել իրենց:
