ԱՄՆ-ում պատրաստվում են արտադրել թռչող ավտոմեքենա (լուսանկարներ)

Ամերիկյան Terrafugia ընկերությունը աշխատանքներ է սկսել աշխարհում առաջին թռչող ավտոմեքենայի ստեղծման ուղղությամբ, որն ունենալու է հիբրիդային շարժիչ:

Աշխատանքային TF-X անվանմամբ ավտոմեքենան հագեցած է լինելու հիբրիդային շարժիչով, որը կարող է վերալիցքավորվել կենցաղային էլեկտրացանցի վարդակից, հայտնում է The Huffington Post-ը:

Մեքենան ունենալու է ուղղահայաց թռիչքի ու վայրէջքի համակարգ: Փաստացի, այդ էլեկտրամոբիլը կարող է ժամանակ առ ժամանակ իր տիրոջը ծառայել որպես ուղղաթիռ:

Terrafugia TF-X-ի շարժիչների ընդհանուր հզորությունը կազմում է 500 ձիաուժ, իսկ օդում առավելագույն արագությունը՝ 322 կմ/ժ:

Մեքենան ստեղծողները վստահեցնում են, որ այն ղեկավարելը ավելի դժվար է լինելու, քան սովորական ավտոմեքենա վարելը: