Բրազիլիայի Գոյանիյա քաղաքում Փոլ Մաքարթնիի համերգի ժամանակ մորեխները հարձակում են գործել: Մեծ քանակությամբ միջատները պտտվել են բեմի վրա, իսկ դրանց մի մասը նույնիսկ նստել են երաժշտի վրա, երբ նա կատարում էր իր ստեղծագործությունները, հաղորդում է Sky News-ը:
Մորեխների ներկայությունը չի խանգարել սըր Փոլին շարունակել ելույթը, և շոուն տևել է շուրջ երեք ժամ: The Beatles-ի նախկին անդամը հասցրել է նույնիսկ «ընկերանալ» միջատներից մեկի հետ, որը նստած է եղել նրա ուսին: Նա մորեխին ներկայացրել է հանրությանը (համերգին ներկա է գտնվել շուրջ 47 հազար մարդ)՝ անվանելով նրան Հարոլդ: Երբ Մաքարթնին երգել է Hey Jude-ը, նա Հարոլդին խնդրել է հեռանալ իր ուսի վրայից և շարունակել թռիչքը:
Բրազիլիայում տեղի ունեցած համերգը կայացել է երգչի Out There! Tour շրջագայության շրջանակներում, որի ընթացքում նա մտադիր է առաջիկա մի քանի ամիսներին այցելել վեց երկիր:
Ինչպես նշում է Sky News-ը, շոուի ժամանակ երաժիշտը կատարում է այնպիսի երգեր, ինչպիսիք են՝ Being For The Benefit Of Mr Kite-ը, All Together Now-ն, Eight Days A Week-ը, որոնք նա կենդանի կատարմամբ վերջին անգամ ներկայացրել է 1965 թ.:
