2001-ից Կաննի կինոփառատոնի նախագահի պաշտոնը զբաղեցրած Ժիլ Ժակոբը պատրաստվում է լքել պաշտոնը 2015 թ.:
Ինչպես հաղորդում է Deadline.com-ը, Ժակոբը լրագրողներին խոստովանել է, որ երկար ժամանակ է, ինչ կնոջը խոստացել է հեռանալ կինոփառատոնի նախագահի պաշտոնից, և 2015 թ. վերջապես կկատարի իր խոստումը:
1978 թ. Ժակոբը դարձել է կինոփառատոնի գործադիր տնօրեն, իսկ 2001 թ. զբաղեցրել է նախագահի պաշտոնը: Ժակոբի շնորհիվ կինոփառատոնում հայտնվել է հիմնական մրցույթից հետո երկրորդ ծրագիրը՝ Հատուկ հայացք (Un Certain Regard) և Ոսկե տեսախցիկ մրցանակը (Camera d’or), որը հանձնում են լավագույն դեբյուտային ֆիլմի համար:
Նշենք, որ Կաննի 66-րդ փառատոնը կայանալու է մայիսի 15-ին:
