Օրերս գործարաները հանդիպել են Հովիկ Աբրահամյանի հետ և խնդրել են դիմել Ռուսաստանի Դաշնության կառավարությանը՝ Հայաստանին մատակարարվող գազի գնի վերանայման, ինչպես նաև արտադրողների համար ռուբլով գնագոյացման խնդրանքով:
ԲՀԿ պատգամավոր Միքայել Մելքումյանը «Առաջին լրատվական»- ի հետ զրույցում մանրամասնեց, որ գործարարների հետ հանդիպում- քննարկումը եղել է վարչապետի նախաձեռնությամբ՝ կապված ռուսական ռուբլու արժեզրկման հետևանքով ստեղծված իրավիճակի հետ:
«Ճիշտ է, գազի սպառումը և գազի մատակարարումը Հայաստան կապված է ՌԴ Օրենբուրգի մարզի գների հետ, բայց այնտեղ արձանագրված է ռուսական ռուբլով, այնպես որ հիմնավորված է, որ մենք դիմում ենք՝ կա՛մ ռուսական ռուբլու տատանումը հաշվի առնել, այսինքն՝ պետք է էլի իջնի, կա՛մ ռուսական ռուբլով պետք է վճարենք: Կարծում եմ՝ այս առումով պետք է քաղաքական որոշում կայացվի, որովհետև Հայաստան մտնող գազի ծավալը մեծ չէ՝ ընդամենը 1,7մլրդ խ/մ, և երկրորդ՝ ռուսական «Գազպրոմ»-ը գազը մատակարարում է ոչ թե հայաստանյան կազմակերպությանը, այլ իր դուստր՝ «Գազպրոմ Արմենիա» կազմակերպությանը, բայց իհարկե միջպետական միջամտությունն անպայման անհրաժեշտ է»: Մ. Մելքումյանի կարծիքով՝ այս հարցը կլուծվի, քանի որ մեծ ծավալների հետ չի կապված:
Մանրամասները՝ տեսանյութում:
