Հայտնի սուպերմոդել Նաոմի Քեմբլը որոշել է ցրվել ռուս օլիգարխ Վլադիսլավ Դորոնինից բաժանվելուց հետո և իր ընկերների հետ մեկնել ծովային ճամփորդության՝ հայտնում է lifenews.ru-ն:
Բրիտանական մամուլի հաղորդմամբ՝ պոդիումի սևամորթ թագուհին ցանկացել է «սիրային վերքերը» բուժել մաքուր օդում ու իր ընկերուհուն հրավիրել է անկեղծ զրույցի Իտալիայի Պորտոֆինո քաղաքի ափերի մոտ:
Պապարացիները մոդելին նկարել են գլխարկով ու ակնոցով՝ դեպի սպիտակ զբոսանավը քայլելիս:
Լրագրողները նշում են, որ 42-ամյա աստղը որոշել է մի կողմ թողնել դիետան ու վայելել պաղպաղակ: Մամուլի ներկայացուցիչները նկատել են նաև, որ մոդելը հրաժարվել է իրեն հատուկ դիմահարդարումից:
Ինչպես հայտնի է դարձել, Քեմբլը վերջին մի քանի ամիսներին աշխատում է հնարավորինս քիչ շփվել մամուլի հետ և չմեկնաբանել իր ու Դորոնինի բաժանման մասին լուրերը:
Չար լեզուները շարունակում են պնդել, որ գործարարն աստղին փոխարինել է «հմայիչ շիկահերով»:
