Մյունխենի գերագույն դատարանը սկսում է Գերմանիայի հետպատերազմյան ժամանակաշրջանի ամենածավալուն գործընթացը աջ ահաբեկիչների դեմ. ամբաստանյալներն են հինգ մարդ, այդ թվում՝ 38-ամյա Բեատե Չեպեն՝ «Ազգային սոցիալիստական ընդհատակ» ազգայնական խմբավորման առանցքային կերպարներից, որը մեղադրվում է չորս սպանությունների մեջ, և նրա չորս հանցակիցները: Այս մասին հաղորդում է RIA Novosti-ն:
1998թ. հիմնված խմբավորումը, որին մամուլում կոչում են «ահաբեկիչներ Ցվիկաուից», մեղադրվում է ինը ներգաղթյալների սպանության (ութ թուրք, մեկ հույն) և կողոպուտների մեջ:
Հետաքննության տվյալների համաձայն՝ Չեպեն անձամբ ոչ մեկի չի սպանել: Սակայն նրան կդատեն ոչ միայն միջնորդության, այլ նաև սպանության համար, քանի որ, ըստ էության, այդ հանցագործությունները հնարավոր չէին լինի իրականացնել առանց նրա: Խմբավորման մեջ նա զբաղվել է կազմակերպչական աշխատանքներով, վարձել մեքենան, ապահովել կեղծ փաստաթղթերով, զենքով: Չեպեին սպառնում է ցմահ ազատազրկում:
Մյուս չորս ամբաստանյալները այս կամ այն կերպ օգնություն են ցուցաբերել ահաբեկիչներին: Ենթադրյալ հանցագործների անունները չեն հրապարակվում: Տվյալներ կան միայն նրանցից մեկ մասին՝ 38-ամյա Ռալֆ Վոլեբեն:
Գործընթացը սկսվել է նախատեսված ժամկետից երեք շաբաթ ուշ, ինչը պայմանավորված էր նրանով, որ վերանայվում էր մամուլի համար տեղերի հատկացման հարցը. թուրքական ԶԼՄ-ներին ոչ մի տեղ չէր հատկացվել, չնայած ահաբեկիչների զոհերի մեծ մասը ծնունդով Թուրքիայից էին, ինչը մեծ սկանդալի պատճառ դարձավ: Արդյունքում արտասահմանյան ԶԼՄ-ներին հատկացվեցին տեղեր, իսկ մի շարք խոշոր գերմանական պարբերականներ, այդ թվում՝ Welt և Zeit թերթերը, կորցրին դրանք: