Մալաթիա-Սեբաստիա վարչական շրջանի 7/04 ընտրատեղամասում ձայների հաշվարկի արդյունքում հայտնաբերվեց 2 ծրար քվեատուփում առանց քվեաթերթիկի, ինչն էլ հանձնաժողովի ԲՀԿ, ՀԱԿ ու ՀՅԴ ներկայացուցիչներին տեղիք տվեց ենթադրելու, որ ՀՀԿ-ն կարուսել է արել, ինչի արդյունքում ավելացել են ՀՀԿ-ի ձայները:
Նշենք, որ ՀՀԿ թեկնածուն ստացել էր 345 ձայն, ԲՀԿ-ն՝ 123 ձայն, «Բարև Երևան» դաշինքը՝ 87 ձայն, ՀԱԿ-ը՝ 33 ձայն, ՀՅԴ-ն՝ նույնպես 33 ձայն, ՕԵԿ-ը՝ 28 ձայն, իսկ «Առաքելություն» կուսակցությունը՝ 12 ձայն: 15 քվեաթերթիկ համարվել է անվավեր:
ՀՅԴ-ն ու ԲՀԿ-ն քվեարկության վերջում հատուկ կարծիք ներկայացրին հանձնաժողովին, որ համաձայն չեն ընտրությունների արդյունքների հետ:
Մանրամասները դիտեք տեսանյութում:
