ԱՄՆ առաջնորդությունը չպետք է հանգեցնի մնացած աշխարհի անտեսման: RIA Novosti-ի հաղորդմամբ՝ այս մասին հայտարարել է ԱՄՆ նախագահ Բարաք Օբաման Կոնգրեսին հղված «Երկրի դրության մասին» ուղերձում:
«Ամերիկյան առաջնորդությունը 21-րդ դարում ընտրություն չէ մնացած աշխարհի անտեսման միջև՝ բացառությամբ այն դեպքերի, երբ մենք ահաբեկիչների ենք սպանում, կամ օկուպացման և որևէ փլուզվող համայնքի վերականգնման միջև»,- ասել է Օբաման:
Նրա խոսքով՝ «առաջնորդություն նշանակում է ռազմական ուժի ռացիոնալ կիրառում և համաշխարհային հանրությանը ճիշտ տանել մեր հետևից»:
Օբաման նշել է, որ «դա նշանակում է մեր օտարերկրյա օգնության տեսլական՝ որպես մեր ազգային անվտանգության մաս, ոչ թե բարեգործության»:
«Երբ մենք մեր հետևից մոտ 200 երկիր տանում ենք դեպի պատմության մեջ առավել հավակնոտ պայքարի՝ ընդդեմ կլիմայի փոփոխության, դա օգնում է խոցելի երկրներին, բայց դա նաև մեզ հնարավորություն է տալիս պաշտպանել մեր երեխաներին: Երբ մենք Ուկրաինային օգնում ենք պաշտպանել իր ժողովրդավարությունը, կամ Կոլումբիային՝ տասնամյակներ շարունակվող ռազմական հակամարտության կարգավորման հարցում, դա ամրապնդում է համաշխարհային կարգը, որը մենք պաշտպանում ենք: Երբ մենք աֆրիկյան երկրներին օգնում ենք կերակրել իրենց ժողովուրդներին և հոգալ հիվանդների մասին, դա պատնեշ է դնում մեր ափերի մոտ համաճարակի տարածման ճանապարհին»,- ասել է Օբաման:
