Բրիտանական Reuters լրատվական գործակալության փոխանցմամբ՝ Թուրքիայի իշխանությունները պլանավորում են սիրիացի փախստականներին աշխատելու թույլտվություն տալ, ինչը կօգնի նրանց հարմարվել նոր տեղում։ Այդ մասին հայտարարել է Թուրքիայի՝ Եվրամիության հարցերով նախարար Վոլքան Բոզքըրը։
Նրա խոսքով՝ 2016 թվականին ապօրինի ներգաղթյալների թիվը Թուրքիայում գերազանցել է 150.000-ը։ Բոզքըրի խոսքով՝ Անկարան օրական կանգնեցնում է մինչև 500 մարդու, որոնք փորձում են ապօրինաբար հատել թուրքական սահմանը։
Սրանից առաջ հաղորդվել էր, որ Թուրքիան վիզային ռեժիմ է սահմանել երրորդ երկրներից ժամանող սիրիացիների հանդեպ։
