Փարիզի կենտրոնում տեղի է ունեցել հանդիսավոր արարողություն, որտեղ երկրի առաջին դեմքերի և բարեկամների ներկայությամբ հիշել են մեկ տարի առաջ Charlie Hebdo երգիածական ամսագրի սպանված լրագրողներին, հայտնում է BBC-ն:
Հանրապետության հրապարակում բացվել է անսովոր հուշարձան, որը իրենց ներայացնում է կենդանի կաղնի: Այն տնկել են 2015 թվականի հունվարի և նոյեմբերի ահաբեկչությունների զոհերի հիշատակին: Մի քանի հուշատախտակ էլ հայտնվել է Փարիզի տարբեր շրջաններում:
Հիշատակի արարողությունները տեղի են ունեցել մի ամբողջ շաբաթ և ավարտվել են կիրակի օրվա արարողությամբ: Ֆրանսիայի նախագահ Ֆրանսուա Օլանդը Հանրապետության հրապարակում ծաղկեպսակ է դրել, որից հետո հայտարարվել է լռության րոպե:
Այնուհետև բարձրաձայն կարդացել են ֆրանսիացի գրող Վիկտոր Հյուգոյի բառերը Փարիզի մասին. «Փարիզը սուրբ քաղաք է: Ով հարձակվում է Փարիզի վրա, նա հարձակվում է ամբողջ մարդկության վրա»:
Հանրապետության հրապարակից Ֆրանսիայի նախագահը ուղևորվել է Փարիզի գլխավոր մզկիթ, որն այս հանգստյան օրերին իր դռները բացել է նաև այլ կրոնների ներկայացուցիչների առջև` այդ ձևով ֆրանսիացիներին կոչ անելով հաղթահարել իսլամի նկատմամբ նախապաշարմունքները:
