ԿԸՀ հերթական նիստին ՀՀ ոստիկանության և անձնագրային վիզաների վարչության պետ Հովհաննես Քոչարյանը խոսեց ընտրողների ցուցակների կազման առանձնահատկությունների մասին:
ՀՀ ոստիկանությունը դեռևս մայիսի երեքին ներկայացրել է, թե ովքեր կարող են մասնակցել Երևանի ավագանու ընտրություններին: Դրանք այն անձինք են, ովքեր մինչև քվեարկության օրը առնվազն վեց ամսվա հաշվառում ունեն:
Ըստ ՀՀ ոստիկանության և անձնագրային վիզաների վարչության պետ Հովհաննես Քոչարյանի տրամադրած տվյալների՝ 2013 թվականի մարտի 27- ի ցուցակով 817 814 ընտրող է գրանցված,ապրիլի դրությամբ 817 835 ընտրող, մայիսի 2-ի վերջնական ցուցակում էլ 816 475 ընտրող: Որևէ վայրում մշտական հաշվառում չունեն 3000 ընտրող:
Ըստ Քոչարյանի` ՀՀ նախագահի ընտրությունից հետո մահացած անձանց տվյալները քաղաքացիական կացության ակտերի գրանցման վարչությունից առաջին անգամ ստացվել են էլեկտրոնային եղանակով, ինչն էապես բարձրացրել է ընտրողների ռեգիստրի բարձրացման արդյունավետությունը: Մասնավորապես էլեկտրոնային ճանապարհով ստացվել է մահացաած մարդկանց վերաբերյալ 3200 հաղորդում: Այդ մարդիկ արդեն հանվել են ընտրողների ռեգիստրից:
Ոստիկանության ուշադրությունից չի վրիպել նաև տասը և ավելի մարդկանց մի հասցեում գրանցված լինելու հանգամանքը: Այսպիսի հասցեների թիվը Երևան քաղաքում 7000-ից ավելի է: Ոստիկանության փոխանցմամբ՝ դրանցից 30- ը չեն համապատասխանել իրականությանը:
ԿԸՀ հերթական նիստին Հովհաննես Քոչարյանը նշեց նաև, որ քվեարկության օրվանից ոչ ուշ քան երեք օր առաջ բոլոր հասցեատերերին ուղարկվել են ծանուցագրեր՝ պատշաճ կերպով:
