Գերմանիայի արդարադատության նախարարությունը նախազգուշացրել է երկրից ներգաղթյալների հնարավոր արտաքսման մասին, ովքեր մեղավոր են Ամանորի շեմին Քյոլնում սեքսուալ հարձակումների և կողոպուտների համար: Այս մասին հայտարարել է գերատեսչության ղեկավար Հայկո Մասը՝ հաղորդում է CNN-ը:
«Օրենքը թույլ է տալիս մարդուն արտաքսել նույնիսկ ապաստան հատկացնելու ընթացակարգի ժամանակ՝ այն դեպքում, եթե նա դատարանի կողմից դատապարտվել է մեկ տարուց ավելի ազատազրկման: Սեքսուալ հանցագործությունների դեպքում դա լիովին հնարավոր է»,- հստակեցրել է նախարարը:
Ոստիկանությունն ավելի քան 120 բողոք է ստացել՝ կապված զանգվածային հարձակումների հետ, այդ թվում՝ բռնաբարության մասին երկու հայտարարություն:
