«ՀայՌուսգազարդ» ՓԲԸ գազաֆիկացման և գազամատակարարման մասնաճյուղերի տարածքային տեղամասերում գրանցված տվյալների համաձայն` 2011 թվականի առաջին եռամսյակում հանրապետությունում գազ օգտագործող բաժանորդների կողմից ստացվել է 3456 հեռախոսազանգ, որից 1773-ի դեպքում պատասխաններ են տրվել անմիջապես զանգը գրանցողի կողմից: Այս մասին «Առաջին լրատվականին» փոխանցեցին «ՀայՌուսգազարդից»:
Մնացած 1683 զանգերին առնչվող հարցերը ներկայացվել են համապատասխան ստորաբաժանումներին:
Հիմնականում գերակշռում են ներտնային համակարգի տեխնիկական սպասարկմանը վերաբերող զանգերը:
Նշված ժամանակահատվածում «ՀայՌուսգազարդ» ընկերությանը հասցեագրվել է 58 դիմում-բողոք, որոնց մեծ մասն առնչվում է ներտնային տեխնիկական սպասարկման աշխատանքների կատարմանը:
Դիմումների մի մասն առնչվում է գազամատակարարման ընդհատումներին և գազի հաշվառքի սարքերի հետ կապված խնդիրներին: Բաժանորդներից դիմում-բողոքներ են ստացվել նաև գազի որակի և ճնշման վերաբերյալ: