Ձեռքբերումները բազմաթիվ են: Օրենսդրության դաշտում մի շարք կարևոր նախագծեր պատշաճորեն քննարկել և ընդունել ենք: Մի շարք դեպքերում ուղղակի չենք հասցրել, որովհետև այլ ռեժիմով է եկել և գնացել, այսպես ասեմ՝ որպես բացթողում: Իսկ հիմնական ձեռքբերումը, որպես պետության, պետականության , մեր ժողովրդի համար կարևորագույն մի գործ կամ քայլ, դա նոր Սահմանադրության ընդունումն էր: Մենք պետք է կարողանանք գիտակցել, որ նոր Սահմանադրությամբ նոր իրականության մեջ ենք մենք հայտնվում և հայտնվել ենք. դա խորհրդարանական կառավարման ձևն է, դա պետական կառավարման համակարգի վերաձևակերպումն է, ձևափոխումն է, մոտեցումների նոր ընթացք է ապահովելու: Մենք հասկանալու ենք, որ այլ իրականության մեջ ենք ապրելու, հարցերի քննարկման և ընդունման այլ ձևաչափ է լինելու: Իմ հաշվարկներով՝ մոտավորապես 300-350-ից ավելի նոր օրենքներ ենք ընդունելու, որոնցից մոտավորապես 50-ը լինելու են նոր օրենքներ և լինելու են բավականին լուրջ դերակատարում ունեցող իրավական ակտեր, դրանք մարդու իրավունքներին վերաբերող, մարդու իրավունքների պաշտպանին, կուսակցություններին, Ընտրական օրենսգրքին, ԱԺ կանոնակարգ օրենքի ամբողջությամբ փոփոխություններին և նոր կանոնակարգ օրենքի ընդունմանը վերաբերող նախաձեռնություններն են: Այնպես որ մենք պետք է կարողանանք գոնե այս պատմական հնարավորությունից օգտվել, և այս կարգավորումները, որոնք պետք է տա համապատասխան օրենքի նախագիծը, կարողանան քիչ թե շատ հավատ և վստահություն ներշնչել թե՛ ընդունողներին, թե՛ հանրությանը: Սա է լինելու 2016թ. այն հիմնական գործունեությունը, որը մենք պետք է փորձենք իրականացնել:
Խոսենք այն լավ ցանկություններից, որ փորձել ենք և չենք կարողացել իրականացնել: Շատ լավ կլիներ, որ վերջապես խնդիրը լուծվեր և Արցախը, որպես անկախ պետություն ճանաչվեր միջազգային հանրության կողմից: Դա չի իրականացել, միգուցե նաև մենք ենք թերացել, բայց միայն մեզնից կախված չէ:
Կարող էր տնտեսությունը շատ ավել լավ վիճակում լինել, չի իրականացվել, թեկուզև մենք, որպես իշխանություն, ունենք թերացում, մեղավորություն, բայց նաև պետք է ամբողջ աշխարհը, գլոբալ աշխարհը նայենք, հասկանաք ինչ է կատարվում: Այնպես որ աշխատող մարդու համար գործերը և ամեն ինչ միշտ էլ կիսատ են մնում, այդ զգացողությունն ունեմ ունեմ նաև ես. ամբողջ օրը աշխատանքային սենյակում աշխատում ես, աշխատում, բայց օրվա վերջում երբ որ փորձու ես ամափոփել, հասկանում ես, որ բավականին գործ դեռևս ավարտին չես հասցրել, թերի է, կիսատ է: