Պորտուգալիայի կառավարությունը հաստատել է բյուջեի վերանայված տարբերակը, որում ներառվել են կոշտ տնտեսական միջոցառումներ:
Բյուջեի նոր տարբերակի նպատակն է 4 մլրդ եվրոյով կրճատել գանձարանի ծախսերը:
Կառավարությունը ստիպված էր վերանայել պետական ծախսերն այն բանից հետո, երբ երկրի Սահմանադրական դատարանը չեղյալ հայտարարեց 2013թ. բյուջեն, որը նախատեսում էր 1.3 միլիարդ եվրոյի խնայողություն:
Իշխանությունները խոստացել էին այլևս չբարձրացնել հարկերը, դրա փոխարեն ջանքերը կենտրոնացնել ծախսային հոդվածների վրա:
Դրա հետ միասին՝ պորտուգալական կաբինետը հաստատել է 3 տարվա ռեցեսիայից հետո տնտեսության վերադարձի կանխատեսումը 2014թ. մակարդակին՝ գրում է Interfax-ը:
Ներկայում ակնկալվում է ՀՆԱ-ի 2.3 տոկոսով կրճատում, իսկ 2014-ին՝ 0.6 տոկոսով աճ:
