ՕՊԵԿ-ի կազմի մեջ չմտնող երկրների կողմից նավթի մատակարարումները 2015 թվականի օրական 57.4 մլն բարել ցուցանիշից կաճեն՝ 2020 թվականին հասնելով օրական 60.2 մլն բարելի։ Նման կանխատեսումներով հանդես է եկել ՕՊԵԿ-ը՝ նավթային շուկային վերաբերող ամենամյա զեկույցում։ Այս մասին փոխանցում է Trend գործակալությունը։
Համաձայն կանխատեսումների՝ նշված երկրների մատակարարումները 2025 թվականին կհասնեն օրական 61.5 մլն բարելի, իսկ 2040-ին կկրճատվեն՝ հասնելով 59.7 մլն բարելի։
ՕՊԵԿ-ի կազմի մեջ չմտնող երկրների կողմից մատակարարումների աճը միջնաժամկետ հեռանկարում հիմնականում կապահովվի Լատինական Ամերիկայի և Կասպյան տարածաշրջանի երկրներից մատակարարումների մեծացման հաշվին։
ՕՊԵԿ-ի կանխատեսումներով՝ նավթի համաշխարհային մատակարարումները 2020 թվականին կհասնեն օրական 97.6 մլն բարելի՝ ներկայիս 94.5 մլն բարելի դիմաց։ 2016 թվականի համար կանխատեսվում է օրական 94.7 մլն բարել ցուցանիշ։
Նշվում է, որ 2040 թվակնաին նավթի համաշխարհային մատակարարումները կկազմեն օրական 110 մլն բարել։
Սպասվում է, որ ՕՊԵԿ-ի մատակարարումները 2040 թվականին կհասնեն օրական 40.7 մլն բարելի։ Իսկ 2020 թվականին 2014-ի 30 մլն բարելի փոխարեն սպասվում է 30.7 մլն բարելի ցուցանիշ։
Համաձայն զեկույցի՝ ՕՊԵԿ-ի մասնաբաժինը նավթի համաշխարհային մատակարարումներում կմեծանա՝ ներկայիս 33 տոկոսից 2040 թվականին հասնելով 37 տոկոսի։
