Այսօր քաղաքական կուսակցությունների նկատմամբ հանրությունը վստահություն չունի, քանի որ տարիներ շարունակ տեսել է, որ անձնական շահը հանրային շահից բարձր է դասվել: «Լուսավոր Հայաստան» նախաձեռնությունն ինչո՞վ է տարբերվելու. «Առաջին լրատվական»-ի այս հարցին պատասխանեց «Լուսավոր Հայաստան» նախաձեռնության անդամ Հայկ Կոջոյանը: Նրա դիտարկմամբ՝ նախորդ տարիների քաղաքական ձախողումները հուշում են, որ Հայաստանում պիտի առաջանան նոր քաղաքական միավորներ և խմբեր, որոնք պետք է որդեգրեն նոր քաղաքական մեթոդաբանություն և մշակույթ: Նոր, թարմ միտք է ներառվելու քաղաքականության մեջ:
«Հայաստանում եկել է քաղաքական սերնդափոխության ժամանակը: Հանրապետական կուսակցությունը ամենազոր սուպերմեն չէ, որ կարողանա յուրաքանչյուր ծրագիր, քաղաքական նախաձեռնություն տապալել»,- նշեց Հայկ Կոջոյանը և հավելեց. «Եթե քաղաքական պայքարի մեջ ՀՀԿ-ին մրցակից դառնա քաղաքական այնպիսի ուժ կամ ուժեր, որոնք կփորձեն քաղաքական օրակարգը կառուցել ստանդարտից դուրս տրամաբանությամբ, ապա կտեսնենք, որ իրականությունը կփոխվի»:
Հիշեցնենք՝ «Լուսավոր Հայաստան» նախաձեռնությունն այսօր հրավիրվել էր առաջին հիմնադիր համագումարը և սկսել պաշտոնական գործունեության մեկնարկը:
Մանրամասները՝ տեսանյութում: