Գերմանիայի սահմանադրության պաշտպանության դաշնային ծառայության ղեկավար Հանս-Գեորգ Մաասենը հայտարարել է, որ Գերմանիայում ապրում են հարյուրավոր արմատական իսլամիստներ, ովքեր «ցանկացած պահի» կարող են հարձակում իրականացնել։ Այս մասին հայտնում է Deutsche Welle-ն։
Նրա խոսքով՝ ընդհանուր առմամբ երկրում գտնվում են արմատական իսլամի 1100 կողմնակիցներ՝ պոտենցիալ պատրաստ բռնության։ Նրանցից 430-ն այնքան վտանգավոր են, որ նրանցից ցանկացած պահի կարելի է լուրջ հանցագործություն սպասել։
Մաասենը նաև նշել է, որ մտավախություններ են առաջացնում փախստականների շրջանում քարոզչությամբ ու նոր կողմնակիցների հավաքագրմամբ զբաղվող արմատական սալաֆիների փորձերը։ Վերջին շրջանում գերմանական հատուկծառայություններին հայտնի է դարձել 150 նման դեպքի մասին։
