ՄԱԿ-ը հրապարակել է ուղերձ 2016 թվականին 87 մլն մարդու մարդասիրական օգնության համար 20 մլրդ դոլար հավաքելու անհրաժեշտության մասին։ Այս մասին հայտնում է Reuters գործակալությունը։
Մարդասիրական հարցերով ՄԱԿ-ի գլխավոր քարտուղարի տեղակալ Ստիվեն Օ՝Բրայենը հայտարարել է, որ «ընդհանուր պատկերը մռայլ է»։
«Իհարկե, դա շատ մեծ գումար է, սակայն եթե դրանք համեմատենք, օրինակ, ռազմական ծախսերի հետ, ապա կհասկանաք, որ դա միանգամայն իրական է»,- իր հերթին ասել է փախստականների հարցերով ՄԱԿ-ի գերագույն հանձնակատաար Անտոնիո Գուտերիշը։
