Առողջապահության նախարարության իմունիզացիայի ազգային կենտրոնի ղեկավար Գայանե Սահակյանը այսօր մեզ հետ զրույցում նշեց, որ պատվաստումների առումով այսօր ունենք 3 տարիքային խումբ որոնք հիմնական ուշադրության կենտրոնում են:
Նպատակային ազգաբնակչության խումբը մինչև 1 տարեկաններն են հիմնականում, բայց դա չի նշանակում, որ մյուսներին ուշադրություն չի դարձվում: Հատկապես այն դեպքում, երբ 26 տարեկանից հետո մարդը պետք է 10 տարին մեկ պատվաստվի:
Ամեն դեպքում, Գայանե Սահակյանի խոսքերով, կա 3 տարիքային խումբ, որ իրենց ուշադրության կենտրոնում են: Առաջին հերթին՝ մինչև 1 տարեկանները, 2-րդը` 2 տարեկաններն են, 3-դը` 7 տարեկանները:
«Սա այն տարիքներն են, որոնց ժամանակ երեխաները պատվաստումներ ունեն:
2010 թ. մեր միջին հանրապետական ցուցանիշը 94.2 % է եղել: Այսինքն՝ պատվաստման ենթակա երեխաների, որոնց 1 տարեկանը լրացել է, 94.2 %-ը բոլոր պատվաստումները ստացել է»,- ավելացրեց առողջապահության նախարարության իմունիզացիայի ազգային կենտրոնի ղեկավար Գայանե Սահակյանը։
