Փարիզում հարձակումներ իրականացրած 7 ահաբեկիչներից 4-ի անունները եղել են ԱՄՆ հատուկ ծառայությունների տվյալների բազայում։ Այս մասին հայտնում է Reuters գործակալությունը՝ հղում անելով ԱՄՆ վարչակազմի 5 անանուն աղբյուրների։
Նոյեմբերի 13-ին 7 ահաբեկիչներն ահաբեկչական հարձակումների շարք էին իրականացրել՝ դառնալով 129 մարդու մահվան պատճառ։ Ավելի քան 300 մարդ վիրավորվել է։ 7 ահաբեկիչներից 6-ը իրենց պայթեցրել էին շահիդի գոտիներով։
Հաղորդվում է, որ ահաբեկչության մասնակիցներից 4-ը ներառված են եղել TIDE գաղտնի ցուցակում, որը կազմում է ԱՄՆ ազգային հակաահաբեկչական կենտրոնը։ Ցուցակում կա 1.1 մլն անուն, որից 25 հազարը ԱՄՆ քաղաքացիներ են։
