Հայաստանի ազգային հավաքականի և Դորտմունդի «Բորուսիա»-ի կիսապաշտպան Հենրիխ Մխիթարյանը Գերմանիայի առաջնության 13-րդ տուրի` «Համբուրգ»-ի դեմ խաղից առաջ կիսվել է իր տպավորություններով, տեղեկացնում է ակումբի պաշտոնական կայքը:
«Վերջին 2 շաբաթվա ընթացքում քրտնաջան աշխատել ենք և պատրաստ ենք «Համբուրգ»-ի դեմ խաղին: Հավաքականի հետ մարզումներ չենք ունեցել, սակայն դա չի նշանակում, որ ես կարճատև արձակուրդ եմ ունեցել:
Շատ վշտացած ենք Փարիզում տեղի ունեցած ահաբեկչության պատճառով, սակայն, ամեն դեպքում, պետք է կենտրոնանանք ֆուտբոլի վրա:
Սա շատ կարևոր հանդիպում է մեզ համար: «Համբուրգ»-ի դեմ վերջին հանդիպումները մեզ համար այդքան էլ բարեհաջող չէին: Կարծում եմ, որ անցկացնում եմ իմ կարիերայի լավագույն մրցաշրջաններից մեկը: Դա ինձ երջանկացնում է»,- հայտարարել է Մխիթարյանը:
Հիշեցնենք, որ «Համբուրգ» – «Բորուսիա» հանդիպումը տեղի կունենա նոյեմբերի 20-ին, Երևանի ժամանակով 23:30-ին:
